Il resultat es üna proposta per ün artichel nouv illa ledscha da scoula. Davo cha la Lia Rumantscha e la Pro Idioms han declerà quists dis da s’ingaschar per ün resguard liant ed obligant dal rumantsch grischun in scoula, spetta la gruppa uossa ils pass concrets. Ella sposta la decsiun da lantschar ün’iniziativa, resalva però da listess gnir activa, in cas cha las masüras impromissas nu vegnan tuttas per mans consequentamaing, scriva ella in üna comunicaziun a las medias. Sia proposta metta ella in discussiun publica e giavüscha cha sias ideas vegnan consideradas in discussiuns objectivas ed illas decisiuns chi ston succeder uossa, uschè la gruppa.