La plazza vain fabricheda traunter la garascha Pinggera e’l sunteri da S-chanf. Zieva duos ans trattativas e planisaziun s’ho pudieu cumanzer culla fabrica da la nouva plazza. Andrea Feuerstein da S-chanf es steda l’inizianta da quist proget ed Ines Barblan, eir ella da S-chanf, l’ho sustgnida cullas lavuors admini-strativas. La plazza da gö ho pudieu gnir realiseda grazcha al grand sustegn finanziel da la vschinauncha, da bgers indigens, da bgeras firmas e perfin da glieud d’utro. La planisaziun es gnida fatta dal büro Daniel Wegmüller da Clostra chi’d es specialiso in quist sectur. La nouva plazza da giuvar vain inaugureda al cumanzamaint d’october. Andrea Feuerstein ed Ines Barblan s’allegran per üna pruna iffaunts cuntaints e per ün nouv lö d’inscunter per giuven e vegl.

Autor: ANR