Aita Nogler, Sent, 1922–2013

Mi, 06. Mär. 2013

In sia ota età da 90 ons es gnüda Aita l’on passà a star aint illa Chasa Puntota a Scuol. Là ans vaina inscuntrats per giodair la saira da nossa vita.

Als 22 favrer ans ha Aita davo ün cuort malesser displaschaivelmaing bandunats per adüna.

Nus vain das-chü passantar cun ella ün temp fich agreabel e divertaivel. Ella savaiva s-chatschar la lungurella in quintond dal temp da plü bod a Sent. Ella savaiva eir ans trategner cun far rier ed esser allegers. Tuot chi tilla tadlaiva jent e predschaiva sia cumpagnia.

Uossa es Tia plazza vöda e Tü ans mancast dapertuot. Nus eschan grats d’avair pudü giodair Tia cumpagnia. A la chara trapassada giavüschaina ün quaid repos.

Jachen Riatsch, Chasa Puntota, Scuol

Kategorie: 

KOMMENDE EVENTS

STELLEN

IMMOBILIEN

DIVERSES