Bastian Bisaz, Lavin, 1926–2013

Mo, 04. Mär. 2013

Bastian d’eira nat als 6 da gün dal 1926. El es creschü sü a Lavin ed ha frequentà là eir seis ons da scoula e giuventüna.

A seis temp ha’l maridà ad Anna Saluz chi d’eira magistra d’economia. Bastian d’eira ün bun paur da bescha ed avaiva granda paschiun per sias bes-chas. Plü tard cur ch’el ha displaschaivelmaing pers sia duonna e ch’el es restà sulet in chasa al d’eira la chargia massa granda. I nun es stat liger per el da bandunar sia pauraria e’s decider da gnir in chasa Puntota.

Quia n’ha eu chattà cun Bastian ün char conabitant e cumpagn. I faiva plaschair a mai a tadlar a quintar a Bastian dals temps passats e trar ün congual per exaimpel cullas paurarias dad hoz. Üna müdada incredibla da möd cha nus stuvain dar pro da nun incleger plü. Il temp ans ha tschüf oura cumplettamaing e nus pudain be amo quintar dals temps passats.

Eir per nus chi staivan insembel a maisa ha el laschà inavo ün grand vöd. La nouva da sia mort m’ha fat granda malavita ed eu condolesch cordialmaing als relaschats. Al char trapassà giavüscha cha’l Suprem detta ün quaid repos.

Jachen Riatsch, Chasa Puntota, Scuol

Kategorie: 

KOMMENDE EVENTS

STELLEN

IMMOBILIEN

DIVERSES