Anna Letta Filli–Bonifazi 1927 – 2013

Mi, 22. Mai. 2013

Als 9 mai 2013 ans ha bandunà per adüna nossa chara conabitanta Anna Letta Filli. La trista nouva da sia mort ans ha fat gronda malavita.

Anna Letta d’eira üna persuna cordiala, quieta e modesta. Ella d’eira la duonna da meis bun ami Emil Filli ch’eu cugnuoschaiva amo da meis temp sco magister a Guarda. Daspö ch’eu tilla n’ha inscuntrada davo blers ons quia in Chasa Puntota vaina bler pudü ans quintar da bellas algordanzas da temps passats. Quellas discussiuns sun stattas per nus ün passatemp agreabel. Dürant las ultimas eivnas sun sias forzas idas al main ed als 9 mai tilla ha il Tuotpussant deliberada da sias sufrentschas in sia vita terrestra. A la chara trapassada giavüschaina ün quaid repos.

Jachen Riatsch, Chasa Puntota, Scuol

Kategorie: 

KOMMENDE EVENTS

STELLEN

IMMOBILIEN

DIVERSES