HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

La populaziun da S-chanf tscherna als 20 october las autoriteds cumünelas (fotografia: archiv Posta Ladina).

La populaziun da S-chanf tscherna als 20 october las autoriteds cumünelas (fotografia: archiv Posta Ladina).

Nouv persunas haun demischiuno lur caricas

La populaziun da S-chanf tscherna als 20 october las autoriteds cumünelas pel prossem trienni. Il president cumünel actuel, Gian Fadri Largiadèr nu's metta pü a disposiziun. Scu nouv president cumünel candidescha Riet Campell. La radunanza cumünela da nominaziun ho lö als 9 october.

In dumengia, ils 20 october stu tscherner la populaziun da S-chanf las autoriteds cumünelas per la perioda d’uffizi 2020 fin 2022. Las seguaintas persunas haun demischiuno lur caricas u haun ragiunt il temp d’uffizi e nu staun pü a disposiziun per la tscherna dal prossem trienni: il president cumünel Gian Fadri Largiadèr, il vice-president cumünel Paolo Bernasconi (limitaziun da temp), ils commembers da la suprastanza cumünela Roman Parli e Mario Mammoliti, ed il suppleant in suprastanza cumünela Linard Luzi. Impü haun demischiuno Linard Parli e Daniel Platzer da la cumischiun da gestiun. Schi’s quinta tiers la demischiun da la chanzlista, chi parta zieva be trais mais in carica, e dal contabel da la vschinauncha da S-chanf, schi sun que nouv persunas da la vschinauncha da S-chanf chi’s retiran da lur incumbenzas. La radunanza da nominaziun ho lö in marcurdi, ils 9 october. Fingià cuntschainta es, tenor Radiotelevisiun Svizra Rumantscha RTR, la candidatura da Riet Campell scu president cumünel. Nominaziuns posteriuras haun da gnir inoltredas fin venderdi, ils 11 october a las 16.00. In lündeschdi, ils 14 october, vegnan publichos ils noms da tuot las candidatas e candidats chi’s mettan a disposiziun pel prüm scrutin da las elecziuns cumünelas.

Per la radunanza cumünela da marcurdi, ils 9 october, sun tractandedas eir otras tractandas, per exaimpel l’analisa d’alp. La firma speialiseda «Büro Alpe» ho elavuro ün’analisa extaisa a reguard la gestiun da las alps a S-chanf ed ils resultats vegnan preschantos in suprastanza. Impü vain preschanto il rapport finel chi pertuocha las remuneraziuns e spaisas pajedas als ulteriurs presidents cumünels Romedi Arquint e Duri Campell. Als 19 marz 1918 vaivan 19 persunas inoltro ün’iniziativa chi pretendaiva ch’ün giurist da lingua rumauntscha controlla insembel culla cumischiun da gestiun, scha las remuneraziuns e spaisas pajedas ils ultims desch ans als presidents cumünels correspuondan a l’uorden da salarisaziun per ufficiants, impiegos e lavuraints cumünels e vschinels da la vschinauncha da S-chanf. La radunanza cumünela dals 24 october ho accepto l’iniziativa.

La radunanza cumünela da la vschinaunzcha da S-chanf dals 9 october, cumainza a las 20.00 sül palc da la sela polivalenta.

Autur: Nicolo Bass


Noch keine Kommentare

1000/1000
  • construction.assistence
  • Chesa Planta Programm Juli
  • silvicultur/a da revier–mainagestiun (100%)
  • EISMEISTER 100% IN JAHRESSTELLE (M/W)
  • Sommerlauf
  • E-FAHRTECHNIK KURSE
  • GESUCHT MÖBLIERTE WOHNUNG
  •  Costa
  • Laura Ravo
  • Erfahrener Schreiner
  • Francesco Godenzi
  • Herzliche Gratulation!
  • Gästeberater 60-70%, m/w
  • Kevin Rampa
  • DONATO RAINOLTER
  • Christina Tordi
  • Lagerraum - 42m2 , Höhe 3.20m – St. Moritz
  • Michele Lucchinetti
  • Mitarbeiter/-innen Verkauf & Backoffice 100%
  • ZU KAUFEN GESUCHT:
  • Niggli & Zala
  • not dal musical
  • üna manadra / üna manader per l’infrastructura (100%)
  • Fulvio Chiavi
  • Malloth
  • Keine Angst vor Krampfadern!
  • Konzert - Duo Luschaina
  • Museumsleiter/in (60%-100%)
  • IHRe eLeKTRO-PARTNeR
  • ARNO RUSSI
  • Fachärztin für Dermatologie und Venerologie FMH Ab sofort ist Frau Dr. med.
  • LAUFSCHUHTEST
  • Gaudenzi Marchesi Müller Architectura SA
  • 2½-Zimmer-Wohnung – St.Moritz
  • Katholische Kirchgemeinde – Einladung
  • CUMÜN DA üna collavuratura / ün collavuratur per l’uffizi da fabrica (100 %)
  • Offenen Tür
  • Pomatti
  • Beautyclinic Samedan