Divers cumüns da pionier dal «rg in scoula» vöglian tuornar pro l’idiom. Per la Lia Rumantscha nu significha quai però cha’l rg ha fat naufragi. Quel s’ha intant etabli sün differents chomps ed es üna necessità, independent da la refüsa illas scoula.

L’iniziativa per reintrodüer il vallader in scoula pissera per üna Val Müstair dividada. La radunanza cumünala sustegna l’iniziativa cun 86 cunter 69 vuschs. La decisiun finala ha lö als 11 marz a l’urna.

Guido Parolini ed Emil Müller han demischiunà per subit dal cussagl da fundaziun da la scoula da muntogna Avrona. Il motiv sun differenzas i’l cussagl da fundaziun. La collavuraziun tanter la scoula e la politica regiunala ha per intant fat naufragi

42 genituors da differents cumüns da pionier han fat recuors pro la drettüra administrativa cunter la decisiun da la Regenza pertoccant «retuornar a l’idiom in scoula». Quai cuort davo cha 40 genituors Jauers han eir inoltrà ün tal recuors.