Da far vacanzas dasper ün vegl muglin, tanter fain e strom in üna natüra intacta, es ün dals avantags da la nouva plazza da campar da Müstair. Cha quella ha però eir amo spüertas da far wellness es unic.
A Lü, ün cumünet chi’s rechatta sün 1920 meters sur mar, es il paur Ivo Lamprecht da chasa. El es in tschercha da sia grond’amur – actualmaing cun agüd da la televisiun, quai pro l’emischiun «Bauer, ledig, sucht…».
La reintroducziun dal vallader sco lingua d’alfabetisaziun dess capitar subit e per tuot ils scolars da la scoula da la Val Müstair. La varianta cha’l Chantun giavüscha per la reintroducziun, pissera in Val Müstair per cheus cotschens.
In connex cul recuors da survaglianza cunter il cumün da Val Müstair constata la Regenza, cha l’artichel davart la lingua ufficiala e da scoula illa constituziun nu cuntrafetscha al dret superiur. La Gruppa visiun rumantsch grischun voul reagir.
La radunanza cumünala da Val Müstair ha acceptà cun gronda majorità ün impraist da 225’000 francs per iniziar il proget da l’Implant da sport Minschuns SA. Quista società prevezza nempe da fabrichar üna s-chabellera da Tschierv fin Alp da Munt.
La Regenza ha acceptà la revisiun da la constituziun cumünala da Val Müstair a reguard l’idiom sco lingua ufficiala. Implü es gnü constatà, cha quist müdamaint nu cuntrafetscha a la ledscha superiura sco pretais i’l recuors da survaglianza.
Val Müstair Als 1. schner 2013 riva la cuorsa da passlung «Tour de Ski» per la prüma jada in Svizra. Lö da cuorsa, d’ün sprint illa tecnica libra, es a Tschierv. Per l’organisaziun da quist grond evenimaint es uossa gnüda fundada üna società.
A la votumaziun a reguard l’iniziativa per reintrodüer il vallader in scoula in Val Müstair han tut part 76,8% da la populaziun jaura. Duos terzs da quels s’han exprimits cler e net cunter il rumantsch grischun e pel müdamaint da la constituziun.
Aderents dal rg da la Val Müstair han surdat a cusglier guvernativ Martin Jäger üna charta averta. Cun quella pretendan els cha la Regenza as dess ingaschar pels cumüns chi han introdüt il rg. Pro’l retuorn al vallader han els avisà pass giuridics.
Causa cha l’aviöl nair es periclità as sfadian ils 18 apicultuors in Val Müstair daspö il principi da l’on 2007 da proteger quists aviöls. Intant sun bundant 80 pertschient da lur 350 pövels aviöls da s-chetta razza naira.
