L’hotelier ed amatur d’art, Carlos Gross, es il nouv possessur da l’anteriur Hotel Rezia a Sent. Actualmaing vain l’hotel renovà e’s preschantarà per la stagiun d’inviern cun ün nouv nom ed üna «grotta d’art» cun ouvras dad Alberto Giacometti.
Al pè dal Piz Pisoc, pro’l Lai da Tarasp, han ils pumpiers Pisoc muossà sonda passada a la populaziun lur savair, lur pussibiltats tecnicas e lur vöglia da prestar üna lavur indispensabla per la publicità.
Dal corp da pumpiers Pisoc chi exista daspö ot ons fan part 86 pumpiers. Per la prüma jada invidan els als 28 avrigl a Tarasp ad üna festa da pumpiers cun da tuottas sorts demonstraziuns ed attracziuns ed üna sairada cun bal.
La Posta Svizra transmüda ingon sia filiala a Sent in ün’agentura postala chi gnarà manada dad impiegats da la TESSVM. Per ün milliun francs vendess ella la chasa da la posta al cumün da Sent.
Davo bundant 150 ons e quatter generaziuns surdà Cristian Juon la Bacharia Juon a Sent a Reto Zanetti. La successiun es uschè bainschi garantida, eir scha l’affar nu resta plü in famiglia.
La radunanza cumünala da Sent ha acceptà duos credits. Per 148'000 francs voul il cumün da Sent refabrichar la lingia electrica da Sur En fin Panas-ch e tilla metter suot terra. Per surtour l’infrastructura privata a Pozzet sun previs 125'000 francs.
Illas scoulinas da Scuol e Sent es gnü tematisà quist inviern intensivamaing il mar cun tuot seis s-chazis. In collavuraziun tanter las duos scoulinas es gnü sviluppà il musical «Il misteri da las tschinch perlas».
Il duo «schön & gut», Anna-Katharina Rickert e Ralf Schlatter, ha preschantà venderdi passà, illa Grotta da cultura a Sent, lur program «Der Fisch, die Kuh und das Meer». Üna saira satiric-politica d’ot livel.
L’ultim’exposiziun da la Grotta da cultura a Sent, chi ha cumanzà sonda passada, es statta reservada per artists our da seis ravuogl. Il program d’occurrenzas da la Grotta cuntinua amo fin la fin da marz.
La populaziun da Sent ha acceptà in occasiun da la votumaziun da la fin d’eivna passada la ledscha davart l’organisaziun in cas da catastrofas cun 80 cunter 17 vuschs. La partecipaziun a l’urna d’eira pro 15,3 pertschient.
