La via chi maina da Nairs a Vulpera e Tarasp d’eira fin uossa üna via chantunala da colliaziun. A partir dals 1. gün es il cumün da Tarasp respunsabel pel mantegnimaint da quella.
Al pè dal Piz Pisoc, pro’l Lai da Tarasp, han ils pumpiers Pisoc muossà sonda passada a la populaziun lur savair, lur pussibiltats tecnicas e lur vöglia da prestar üna lavur indispensabla per la publicità.
Dal corp da pumpiers Pisoc chi exista daspö ot ons fan part 86 pumpiers. Per la prüma jada invidan els als 28 avrigl a Tarasp ad üna festa da pumpiers cun da tuottas sorts demonstraziuns ed attracziuns ed üna sairada cun bal.
Al principi da l’on haja dat a la scoula d’Avrona controversas a reguard il menaschi da la scoula. Perquai han duos commembers dal cussagl da fundaziun desdit lur collavuraziun. Intant s’haja chattà üna soluziun per inchaminar ün üna via perdüraivla.
La Büvetta a Nairs, fabrichada i’ls ons 1875/76, es periclitada da gnir suogliada dal grip instabil sur il stabilimaint. L’uniun «Pro Büvetta Tarasp» s’ingascha per salvar e renovar la Büvetta chi’d es serrada daspö s-chars trais ons.
Tarasp ha decis da prolungar il contrat cun dret da cumprita dal Chastè da Tarasp per duos ons ed ha fat bun ün credit sco garanzia da deficit per la gestiun dal chastè. Implü es gnü fat bun üna cunvegna a reguard l’avegnir da la Büvetta.
Cun ün nouv concept da gestiun va la Fundaziun Chastè da Tarasp in tschercha da sponsuors. L’importanza dal chastè es incontestada pro’ls politikers regiunals, pro l’otezza dal sustegn finanzial sun ils capos cumünals però plütost skeptics.
Guido Parolini ed Emil Müller han demischiunà per subit dal cussagl da fundaziun da la scoula da muntogna Avrona. Il motiv sun differenzas i’l cussagl da fundaziun. La collavuraziun tanter la scoula e la politica regiunala ha per intant fat naufragi
12 classas da scoula da l’Engiadina Bassa e da la Val Müstair han zambrià venderdi passà a Tarasp sculpturas da glatsch. Bundant 165 scolaras e scolars han fuormà our d’ün elemaint insolit lur figüras cul tema circus.
Il cumün da Tarasp ha surdat la gestiun da l’Hotel Tarasp a Jachen e Rogeria Clavuot uschè cha la spüerta es garantida inavant. Ils usters han intenziun da spordscher a giasts ed indigens ün’offerta da restoraziun favuraivla e da buna qualità.
