Da far vacanzas dasper ün vegl muglin, tanter fain e strom in üna natüra intacta, es ün dals avantags da la nouva plazza da campar da Müstair. Cha quella ha però eir amo spüertas da far wellness es unic.
La Società Muglin Mall Sta. Maria es intant sainza president. Sco presidenta ad interim es gnüda eletta sonda passada, a la radunanza generala, Hannelore Cueni da Sta.Maria. Uossa es la società in tschercha d’üna persuna chi surpiglia il presidi.
A Lü, ün cumünet chi’s rechatta sün 1920 meters sur mar, es il paur Ivo Lamprecht da chasa. El es in tschercha da sia grond’amur – actualmaing cun agüd da la televisiun, quai pro l’emischiun «Bauer, ledig, sucht…».
La Società ad ütil public Val Müstair ha invidà d’incuort ad ün’excursiun i’l cumün vaschin sur cunfin. L’anteriur president cumünal, istoriker e magister Serafin Heinrich Schgör ha quintà da seis cumün e da la cumünanza tanter ils duos cumüns.
La reintroducziun dal vallader sco lingua d’alfabetisaziun dess capitar subit e per tuot ils scolars da la scoula da la Val Müstair. La varianta cha’l Chantun giavüscha per la reintroducziun, pissera in Val Müstair per cheus cotschens.
L’exposiziun da muvel districtuala a Scuol ha preschantà in sonda passa 160 bes-chas. La Miss Engiadina Bassa deriva our da la stalla da Jachen Andri Schmidt da Sent.
In connex cul recuors da survaglianza cunter il cumün da Val Müstair constata la Regenza, cha l’artichel davart la lingua ufficiala e da scoula illa constituziun nu cuntrafetscha al dret superiur. La Gruppa visiun rumantsch grischun voul reagir.
La radunanza cumünala da Val Müstair ha acceptà cun gronda majorità ün impraist da 225’000 francs per iniziar il proget da l’Implant da sport Minschuns SA. Quista società prevezza nempe da fabrichar üna s-chabellera da Tschierv fin Alp da Munt.
La Regenza ha acceptà la revisiun da la constituziun cumünala da Val Müstair a reguard l’idiom sco lingua ufficiala. Implü es gnü constatà, cha quist müdamaint nu cuntrafetscha a la ledscha superiura sco pretais i’l recuors da survaglianza.
Mathias Egger da Guarda es gnü elet a la radunanza generala da l’Associaziun chantunala da samaritans a Tschierv co nouv president da l’associaziun. A la suprastanza fan part eir ils indigens Jens Dettmann, Francoise Duschletta e Rico Zala.
