HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

Orlando Zegg es reelet sco president dal Tribunal regiunal Engiadina Bassa/Val Müstair (fotografia: mad).

Orlando Zegg es reelet sco president dal Tribunal regiunal Engiadina Bassa/Val Müstair (fotografia: mad).

Orlando Zegg es reelet in silenzi

Causa chi nu sun entradas ingünas propostas per cuntracandidats es gnü reelet il president dal Tribunal regiunal Engiadina Bassa/Val Müstair, Orlando Zegg, in silenzi per la perioda d’uffizi 2021 fin 2024. L’elecziun dals commembers dal güdisch regiunal ha lö plü tard a l'urna.

In lündeschdi, ils 23 marz, a las 18.00, es scrodà il termin d’annunzcha per candidats pel presidi dal tribunal regiunal Engiadina Bassa/Val Müstair. Al listess mumaint d’eiran d’annunzchar eir candidaturas pels ot posts da güdischs regiunals. Infra quist termin es entrada pro’l Tribunal regiunal Engiadina Bassa/Val Müstair unicamaing la candidatura dad Orlando Zegg sco president. Otras candidaturas pel presidi nu sun entradas. Perquai es reelet Orlando Zegg sco president dal Tribunal regiunal Engiadina Bassa/Val Müstair in silenzi pels prossems quatter ons. La ledscha chantunala pels drets politics prevezza nempe, cha schi aintran be tantas candidaturas sco chi sun sezs d’occupar, schi vala l’elecziun in silenzi sainza chi sto gnir manada tras ün’elecziun a l’urna. «Eu sun fich cuntaint da quista reelecziun», disch Orlando Zegg sün dumonda. Impustüt causa tuot las turbulenzas dals ultims mais, es el cuntaint da pudair cuntinuar uossa culla lavur. La populaziun da l’Engiadina Bassa e da la Val Müstair ha demuossà fiduzcha i’l president dal güdisch regiunal actual cun desister da propuoner ün cuntracandidat.
Per la tscherna dals commembers dal Tribunal regiunal Engiadina Bassa/Val Müstair sun entradas set candidaturas pels ot sezs da güdischs. Ils candidats sun: Not Carl, Ursina Cuorad-Steiner, Claudia Duschletta-Müller e Jon Armon Strimer. Quists candidats d’eiran eir fin uossa in carica ed as mettan a disposiziun per üna reeleziuns. Propostas per nouvs candidats sun entradas per Flurin Crüzer da Scuol, Reto Rauch da Sent e Kurt Stecher da Scuol. Causa chi sun avantman damain candidaturas co sezs d’occupar, nu vala la regla da l’elecziun in silenzi. In quist cas vain manada tras ün’elecziun publica libra. Quella d’eira vairamaing previsa pels 17 mai. In venderdi passà ha decis però la Regenza grischuna da spostar quist termin da votaziuns ed elecziuns. Cur cha l’elecziun a l’urna varà lö nun es amo cuntschaint. Il termin gnarà dat cuntschaint a temp ütil.
In mincha cas po uossa minchün candidar pels posts da güdisch regiunal, sco cha’l president dal Tribunal regiunal Engiadina Bassa/Val Müstair Orlando Zegg ha declerà. Causa cha’ls commembers Jauers dal güdisch Albin Prevost e Marco Fallet nu’s mettan plü a disposiziun per üna reelecziun, füss la Val Müstair tenor las candidaturas actualas, in avegnir sainza rapreschantanza i’l Tribunal regiunal Engiadina Bassa/Val Müstair. Eir las commembras dal güdisch Corsina Feuerstein da Scuol ed Ursla Pedotti da Ftan nu’s mettan plü a disposiziun per ün’ulteriura perioda d’uffizi.

Text: Nicolo Bass


1 Kommentar

1000/1000
mäggie duss am 25.03.2020, 11:48
Es wäre sicher im Interesse von vielen deutsch sprechenden Lesern, das auch auf deutsch gedruckt würde.
  • Heli
  • Gini
  • Rovcca
  • Jazz
  • S-chanf, ideal für Familien
  • Musical
  • S-chanf, sonnige, neue
  • Ego Kiefer
  • creative box
  • Administrator(in) Pensum 40%-60%
  • Nachtarbeiten
  • La Lia Rumantscha tschertga ina persuna
  • Open Air Kino
  • Kino
  • Martinelli
  • Pontresina Wochentipp
  • Lenova
  • Buch des Monats
  • DAS ERSTE VEGETARISCHE HOTEL IM ENGADIN
  • Freund
  • Waldhaus Sils
  • Seiler
  • Zu vermieten in Surlej/Silvapla-
  • St. Moritz ist einer der bekanntesten Ferienorte der Welt. Sein Name ist als Qua-
  • elektro
  • engadiner lehrwerkstatt
  • Studenti such günstig Wohngele-
  • hat seine Zusatzlehre als Automobilmechatroniker EFZ
  • Die Hausarztpraxis Schläpfer St. Moritz AG an der
  • ERnst HubERARcHitEktuR
  • Schwab
  • Einheimische Familie sucht
  • für12Stück
  • Drive-In
  • Herzlichen Dank
  • Rominger
  • Sonntags Apero
  • Greiner