HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

L'acziun Pink Ribbon Walk ad Ardez. fotografia: mad

L'acziun Pink Ribbon Walk ad Ardez. fotografia: mad

Duonnas chaminan per üna buna roba

Pervi da corona nu das-cha il Pink Ribbon Walk gnir realisà ingon a Turich. Perquai cuorran o chaminan duonnas in tuot la Svizra per l’acziun. Uschè eir ad Ardez, ingio cha dumengia s'han partecipadas bundant 30 duonnas a l'acziun da solidarità invers pertoccadas da cancer dal bruost.

Lönch es stat il cancar dal bruost ün tema tabu. Culla fascha rösa chi simbolisescha daspö decennis la solidarità cun duonnas chi han o han gnü quella sort cancar ha la malatia survgni üna vusch, üna fatscha. Our d’üna simpla fascha sun creschüdas dürant ils ultims ons numerusas acziuns chi rendan attent a la problematica e chi sustegnan la perscrutaziun dal cancar.
In Svizra survegnan on per on passa 6000 duonnas la diagnosa cancar dal bruost. Circa ün sesavel, voul dir passa milli duonnas mouran per consequenza da la malatia. Cancar dal bruost es il cancar il plü derasà pro las duonnas. Quista sort da cancar es eir quel culla plü gronda rata da mortalità pro las duonnas in Svizra. Daspö ün pêr ons daja adüna al principi da settember il di d’acziun, Pink Ribbon Walk. Quai es ün di ingio cha duonnas, giuvnas, uffants ed eir homens chaminan ün traget per render attent uschè al cancar. Üna part da la munaida d’annunzcha va directamaing illa perscrutaziun dal cancar.
Eir in Engiadina Bassa sun chaminadas in dumengia davomezdi duonnas vestidas in rösa. Passa trenta duonnas, giuvnas, uffants ed eir homens sun chaminats da cumpagnia ün traget intuorn Ardez. Cun quist’acziun hana eir qua vuglü render attent al cancar chi pertocca in prüma lingia las duonnas. Ma eir ils homens sun pertocs: Blers han üna duonna, üna partenaria, üna mamma, üna figlia o ün’abiadia amalada da quist cancar maglin. (rtr/fmr)
Ulteriuras infuormaziuns suot: www.pink-ribbon.ch


Noch keine Kommentare

1000/1000
  • HAUSWIRTSCHAFTERIN
  • Die Hausarztpraxis von Frau Dr. med.Anke Kriemler wird per 1. November 2020 in die PolyClinic St. Mo
  • 8 BETTEN IN ARVENHOLZ
  • Nachtarbeiten RhB
  • Nachtarbeiten  RhB
  •  JETZT MIT HAMMERPRÄMIEN!
  • GOLDANKAUF
  • SUCHE JAHRESSTELLE