HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

Il Parc Naziunal Svizzer ha gnü la stagiun passada 50 pertschient daplü giasts (fotografia: Hans Lozza/PNS)

Il Parc Naziunal Svizzer ha gnü la stagiun passada 50 pertschient daplü giasts (fotografia: Hans Lozza/PNS)

Stagiun da record pel Parc Naziunal

La stà passada ha registrà il Parc Naziunal Svizzer (PNS) 50 pertschient daplü giasts. Quai resulta eir da la consultaziun spontana a reguard l’effet dal coronavirus e’l turissem i’l PNS. 20 pertschient da las 1200 persunas interrogadas nu füssan gnüdas illa regiun sainza la pandemia.

Fingià a l’Ascensiun ed a Tschinquaisma d’eiran ils parkegis i’l PNS bain occupats e las sendas ferm frequentadas, scrivan ils respunsabels dal PNS in lur comunicaziun als mezs da massa. Cun l’agüd d’üna consultaziun ha il PNS, insembel cun l’Università da Turich, tut suot la marella che influenza cha’l coronavirus haja sül cumportimaint dals giasts. Circa la mità da las persunas interrogadas han indichà cha’l virus haja gnü ün’influenza pro la decisiun da visitar il PNS. Congualà cun l’on 2012 haja dat ün grond augmaint pro las persunas in l’età tanter 21 e 40 ons: 24'000 daplü persunas da quellas etats han visità il parc. 92 pertschient dals giasts d’eiran Svizzers, quai chi correspuonda a 50'000 persunas. Percunter s’ha diminui il nomer dals giasts da l’ester per 8000. Raduond 40 pertschient dals giasts han indichà chi hajan visità per la prüma jada il PNS o chi nu d’eiran daspö desch ons na plü illa regiun.

Text: cdm/fmr


Noch keine Kommentare

1000/1000
  • Gesucht im Oberengadin
  • Initiative für sauberes Trinkwasser
  • Pontresina Wochentipp
  • Gesucht im Oberengadin
  • EDITUR
  • Kaufmännische/n Mitarbeiter/in (80-100%)
  • Leitung Administration (70%).
  • Midnight
  • TAKE AWAY
  • 2½- bis 3½-Zimmer
  • Privat zu verkaufen
  • Automobil-Verkäufer
  • CUMÜN DA SCUOL
  • Arbeiten in den Bergen
  • ABWARTSSTELLE