La Chüra Prasas-cher a Scuol vain serrada transitoricamaing a partir dals 1. october (fotografia: mad).

La Chüra Prasas-cher a Scuol vain serrada transitoricamaing a partir dals 1. october (fotografia: mad).

Center da sandà EB

La Chüra Prasas-chèr vain serrada

Wirtschaft 19.07.21 Engiadina Bassa Scuol

Sco bleras instituziuns da chüra i’l Chantun ed in Svizra badan eir las gestiuns da chüra dal Center da sandà Engiadina Bassa (CSEB) las consequenzas da la pandemia. Sco cha’ls respunsabels dal CSEB scrivan s’haja decis da serrar transitoricamaing la gruppa da chüra Prasas-chèr Scuol.

«Quista decisiun nu d’eira uschè simpla», manzunan ils respunsabels. Ils ses abitants da la Chüra Prasas-chèr survegnan la pussibiltà d’entrar in ün’otra gruppa da chüra dal CSEB. Ed eir tuot las collavuraturas e’ls collavuraturs survegnan inavant ün’occupaziun i’l CSEB.

Grazcha al model cha’l CSEB ha sviluppà es l’adöver da dovrar localitats relativmaing flexibel. L’infrastructura pussibiltescha ün müdamaint svelt ed adattà a la situaziun actuala. La gruppa da chüra Prasas-cher exista daspö l’on 2007 e spordscha lö a nouv abitants. Ulteriuras gruppas da chüra ha il CSEB a Zernez cun nouv plazzas ed a Samignun cun ses plazzas. La Chüra Prasas-chèr vain serrada per intant dals 1. october fin la fin da l’on 2022. Las localitats vegnan dattas a fit sco abitaziuns al persunal. (cdm/fmr)

Noch keine Kommentare

Kommentarregeln