Joachim Koppenberg (da schnestra), Peter Peyer, Marina Jamnicki e Philipp Gunzinger han orientà davart la visita a l’ospidal a Scuol (fotografia: Flurin Andry).

Joachim Koppenberg (da schnestra), Peter Peyer, Marina Jamnicki e Philipp Gunzinger han orientà davart la visita a l’ospidal a Scuol (fotografia: Flurin Andry).

Center da sandà EB

Il CSEB s’ha cumprovà dürant la pandemia

Gesundheit 23.08.21 Engiadina Bassa Scuol

Il cusglier guvernativ Peter Peyer e la doctoressa chantunala Marina Jamnicki han lodà il Center da Sandà Engiadina Bassa (CSEB). Avrona es statta la staziun finala da las visitas tradiziunalas da las regiuns ed ospidals dal Grischun dal cusglier guvernativ. 

«Il CSEB es amo adüna ün model exemplaric per centers da sandà regiunals», ha dit il cusglier guvernativ. Cha’l CSEB haja reagi a la pandemia in möd professiunal, ha infuormà Marina Jamnicki, ch’in otras regiuns nun haja quai funcziunà main bain sco qua. Il meidi Joachim Koppenberg, chi presidiescha il CSEB, ha dit cha la pandemia dal Covid saja statta la prüma crisa plü gronda pel Ospidal e pel center da sandà: «Grazcha a nossas structuras vaina pudü reagir svelt ed applichar las masüras necessarias.» Cha’l CSEB saja grazcha a la stretta cooperaziun cul Chantun bain posiziunà i’l cumbat cunter la pandemia, ha accentuà Philipp Gunzinger chi fa part dal cussagl da fundaziun dal CSEB.

Text: Flurin Andry/fmr

Noch keine Kommentare

Kommentarregeln