Trais suprastants han fingià avuonda
Al pincipi da l’eivna han inoltrà trais dals set commembers da la suprastanza cumünala da Val Müstair lur demischiun. Per motivs persunals nu vöglian restar ils suprastants Guido Mittner, Roman Oswald e Patrick Wegmann in uffizi fin a la fin da lur legislatura.
Trais commembers da la suprastanza cumünala da Val Müstair han demischiunà per motivs persunals (fotografia: RTR).
Guido Mittner e Roman Oswald bandunan la suprastanza per immediat. Patrick Wegmann resta amo illa suprastanza fin ch’üna successura o ün successur es gnü elet. Quai scriva il cumün da Val Müstair in üna comunicaziun a las medias. L’elecziun per ils trais sezs chi vegnan libers ha lö in marz 2022.
Text: cdm/rtr/fmr
Diskutieren Sie mit
anmelden, um Kommentar zu schreibenNoch keine Kommentare