L’artist da Tarasp, cun nom civil Gino Clavuot, ha per quist proget discurrü davart l’importanza dal rumantsch e da sia patria in ün video emoziunal. A medem temp publichescha’l cun «Astronaut» üna nouva chanzun.

Il Departamaint federal d’affars exteriurs ha l’on passà lantschà suot il motto «Rumantsch: ün ferm toc Svizra» la prüm’eivna internaziunala da la lingua rumantscha. Als 21 favrer ha lura cumanzà la seguonda ediziun da la «Emna rumantscha». Böt da l’occurrenza annuala es da render attent a la situaziun da la quarta lingua naziunala. Implü dess eir gnir suottastrichada l’importanza da la plurilinguità per la solidarità naziunala. (cmd/fmr)