Concert da Pasqua da la Società da musica Sent (fotografia: Aita Zanetti).

Concert da Pasqua da la Società da musica Sent (fotografia: Aita Zanetti).

Societats da musica

Concerts da Pasqua a Sent, Scuol ed Ardez

Kultur 18.04.22 Engiadina Bassa Ardez Scuol Sent

Davo trais ons abstinenza musicala pon quista prümavaira finalmaing darcheu avair lö ils concerts da las societats da musica sü e giò per l’Engiadina. Impustüt dürant ils dis da Pasqua han lö tradiziunalmaing ils concerts da las societats da musica da Scuol e Sent.

Davo las Pasquas dal 2020 e 2021 chi han gnü lö sainza musica instrumentala, s’haja pudü tournar quist on pro las tradiziuns: La Società da musica Scuol ha invidà in gövgia saira al concert da prümavaira. Quai es eir stat il prüm concert annual in patria cul nouv dirigent Ivan Nussio e culla nouv’unifuorma. Quist concert a Scuol es stat fich bain visità. Eir la Società da musica Sent s’ha preschantada in sonda saira, suot la bachetta da Bastian Janett, in üna sala stachida. E per finir ha invidà la Musica Concordia Ardez al Firà da Pasqua ad üna matinada musicala suot la bachetta dal nouv dirigent Flurin Vital. (nba)

Noch keine Kommentare

Kommentarregeln