Ch’ella as vaiva missa a disposiziun per dar vuschs a seis parti, ma cha sia elecziun sco grond cusgliera pel circul Suot Tasna saja statta üna gronda surpraisa inaspettada, scriva Tina Roner illa comunicaziun a las medias. Cha davo avair ponderà bain, s’haja ella però decisa da nun acceptar sia tscherna. Ella motivescha quella decisiun cun seis ingaschamaint da lavur internaziunal chi nu’s lascha cumbinar culla carica sco grond cusgliera. Üna decisiun chi saja statta difficila per ella, sco cha Tina Roner scriva plünavant.

Il sez dal PS pel circul Suot Tasna surpiglia Aita Biert da Cuoira. Cun 245 vuschs vaiva ella surgni in dumengia passada las seguond bleras vuschs da las candidatas e dals candidats dal PS i’l circul Suot Tasna.

Text: cdm/fmr