Per la directura actuala da la TESSVM, Martina Hollenstein Stadler, nun es chattà amo ingüna successiun (fotografia: Dominik Täuber)

Per la directura actuala da la TESSVM, Martina Hollenstein Stadler, nun es chattà amo ingüna successiun (fotografia: Dominik Täuber)

Amo ingüna successiun per la directura

La destinaziun da turissem Engiadina Scuol Samignun Val Müstair (TESSVM) nun ha chattà amo ingüna successiun per la directura partenta Martina Hollenstein Stadler. Quai scriva il cussagl administrativ in üna comunicaziun a las medias.

Per garantir la gestiun resta Martina Hollenstein Stadler perquai in ün pitschen pensum fin a la fin da l’on. La gronda part da las incumbenzas surpiglia però üna co-direcziun ad interim cun Bernhard Aeschbacher e Claudio Daguati. Tuots duos lavuran fingià var desch ons pro la destinaziun, quai sco vice-directer e manader da marketing. La cumischiun da recrutaziun dal cussagl administrativ saja però inavant a la tschercha d’üna soluziun.

In favrer ha comunichà la directura actuala Martina Hollenstein Stadler ch’ella banduna la regiun per la fin d’avuost. Quai per s’orientar nouv davo tschinch ons. (cdm/rtr/fmr)


Noch keine Kommentare