Tschinch illustraturas ed illustraturs engiadinais expuonan amo quist’eivna in Chasa Jaura, suot il titel «Illustraziun sco fuorma artistica»: Jon Bischoff, Lea Meyer, Madlaina Janett, Paulin Nuotclà e Pia Valär (fotografia: David Truttmann).

Tschinch illustraturas ed illustraturs engiadinais expuonan amo quist’eivna in Chasa Jaura, suot il titel «Illustraziun sco fuorma artistica»: Jon Bischoff, Lea Meyer, Madlaina Janett, Paulin Nuotclà e Pia Valär (fotografia: David Truttmann).

Chasa Jaura

Art illustrativa in discussiun

Kultur 12.10.22 Val Müstair

 L’exposiziun cun illustraziuns da tschinch artistas ed artists engiadinais in Chasa Jaura a Valchava va vers la fin – ed ella finischa in sonda, ils 15 d’october cun üna discussiun al podium davart la tematica da l’illustraziun. Quai scriva il Museum Chasa Jaura in ün avis per mans da las medias.

Daspö il mais gün han tschinch artistas ed artists engiadinais – Jon Bischoff, Lea Meyer, Madlaina Janett, Paulin Nuotclà e Pia Valär – expost lur ouvras illustrativas fich diversas illa Chasa Jaura. Tuot lur lavurs sun stattas unidas suot il titel d’exposiziun «Illustraziun sco fuorma artistica».

Ils duos artists e las trais artistas saran eir da la partida a la finissascha da l’exposiziun. Quella es in sonda, ils 15 d’october, a Valchava e vain terminada cun üna discussiun al podium. La dumonda da la saira sarà: «Es illustraziun ün’art?» – Las artistas ed ils artists discutaran quista dumonda cul expert per illustraziuns da cudeschs Hans ten Doornkaat. El es stat docent a la «Hochschule Luzern Design & Kunst» e scriva tanter oter eir regularmaing illa «NZZ am Sonntag» davart litteratura per uffants. (cdm/fmr)

Noch keine Kommentare

Kommentarregeln