Il pader catolic Matthias Rey ed üna squadra da 23 persunas han inaugurà la crusch nouva sül Munt Buffalora (fotografia: mad).

Il pader catolic Matthias Rey ed üna squadra da 23 persunas han inaugurà la crusch nouva sül Munt Buffalora (fotografia: mad).

Crusch nouva es inaugurada

Il pader catolic Matthias Rey ed üna squadra da 23 persunas sun idas in sonda passada sül Munt Buffalora. Las ündesch es lura gnüda inaugurada la crusch nouva chi’s rechatta sün 2627 meters sur mar. 

La crusch nouva sül Munt Buffalora as rechatta eir al punct il plü occidental dal cumün da Val Müstair. Uschè ha Val Müstair sün tuot seis quatter cunfins üna crusch: I’l süd sül Piz Umbrail, i’l nord sül Piz Terza, sül Piz Chavalatsch – il punct il plü a l’ost da la Svizra – e daspö nouv eir i’l west, sül Munt Buffalora.

Ils iniziants da quista crusch nouva sun Irma Aebli e’l pader catolic Matthias Rey. El ha fat urazchuns per la benedicziun da la crusch nouva e Chasper Stuppan, president da la raspada evangelica, ha sunà cun seis cornet. Ils preschaints han chantà chanzuns e sco finischiun ün canon a trais vuschs. Davo ün apéro sun prüms darcheu its ils in direcziun val. (cdm/fmr)


Noch keine Kommentare