05.06.2025
Las fossas in lingia nr. 73 fin nr. 144 dals ans 1989 fin 1996 sül champ II illa part suot dal sunteri San Peter da la vschinauncha da Samedan vegnan eliminedas, perque cha’l temp da repos d’almain 20 ans, previs da la ledscha (art. 13 da l’uorden da sepultüra e da sunteri), es scuors già d’ün temp. 
La vschinauncha sgombra las fossas numnedas a partir dals 8 avuost 2025.
Ils relaschos da las persunas sepulidas in quistas fossas paun alluntaner fin a quella data ils craps e’ls ornamaints da fossa. Zieva quist termin vegnan las fossas eliminedas, refüsand tuot ils obligs d’indemnisaziun. A terzas persunas es que scumando explicitamaing d’alluntaner craps da fossa sainza permiss precedaint dals relaschos correspundents.
Per ulteriuras infurmaziuns Al/La sto l’uffizi da sepultüra da Samedan, Plazzet 4, 7503 Samedan gugent a disposiziun: tel. 081 851 07 15 u mail bauamt@samedan.gr.ch.
Samedan, ils 2 gün 2025

L’uffizi da sepultüra da Samedan
PDF herunterladen