31.05.2025
Ordinaziun da la radunonza communala per realisar in regruppament dal terren ed exposiziun publica dal territori cumpiglià sco er dal register da las proprietarias e dals proprietaris dals bains immobigliars participads

Sa basond sin l'art. 17 da la Lescha da meglieraziun dal chantun Grischun (LMG; DG 915.100) ha la radunanza communala da La Punt Chamues-ch dals 20 da schaner 2025 ordinà da realisar in regruppament dal terren en in territori parzial. Cunter quest conclus poi vegnir fatg recurs tar la Dretgira superiura tenor l'art. 18 LMG entaifer 30 dis dapi la data da publicaziun, Obere Plessurstrasse 1, 7000 Cuira.

Sa basond sin l'art. 38 LMG vegnan las actas qua sutvart exponidas publicamain.
Actas d'exposiziun:
  • Plan da situaziun 1:5000 cun l'indicaziun da la cunfinaziun dal territori cumpiglià
  • Register da las proprietarias e dals proprietaris da bains immobigliars participads
Per orientaziun:
Register da las parcellas
Lieu d'exposiziun:
Administraziun communala da La Punt Chamues-ch, Via Cumünela 43, 7522 La Punt Chamues-ch
Durada da l'exposiziun:
da venderdi, ils 30 da matg fin
glindesdi, ils 30 da zercladur 2025, 
glindesdi fin venderdi, mintgamai da las 8.00 fin las 12.00 e da las 14.00 fin las 18.00 uras.
Legitimaziun da far protesta:
Il dretg da far protesta ha, tgi ch'è pertutgà da las actas d'exposiziun e po far valair in interess degn da vegnir protegì per abolir u per midar questas actas sco er la vischnanca pertutgada.
Protestas:
Protestas cunter las actas d'exposiziun ston vegnir inoltradas en scrit fin il pli tard glindesdi, ils 30 da zercladur 2025 (bul postal), al Departament d'economia publica e fatgs socials, Ringstrasse 10, 7001 Cuira.
Gemeinde La Punt Chamues-ch
31. Mai 2025, La Punt Chamues-ch
PDF herunterladen