05.06.2025
Sün basa da l’artichel 21 da la Ledscha davart la planisaziun dal territori pel chantun Grischun (LPTGR) e sün basa da la disposiziun departamentela dal Departamaint per economia publica e fats sociels dal Grischun dals 17 avrigl 2025 ho la suprastanza cumünela da Schlarigna decreto a chaschun da sia tschanteda dals 26 meg 2025 da prolunger la 
 

zona da planisaziun


decreteda als 27 gün 2022 cun la seguainta mira: 
 
  • Protecziun da la revisiun generela currainta da la ledscha da fabrica e dals plauns da l’uorden fundamentel, in speciel in reguard a müdedas intenziunedas da las zonas da fabrica e d’otras zonas d’ütilisaziun scu eir in reguard a l’ütilisaziun economica dal terrain, als sectuors da furmaziun ed objects da furmaziun scu eir a la concepziun da progets da fabrica. 
     
La zona da planisaziun vela per l’inter territori da la vschinauncha da Schlarigna. Illa zona da planisaziun nu suos-cha gnir fat ünguotta chi pudess render difficila u impedir la nouva planisaziun. Impustüt suos-chan progets da fabrica e müdamaints da l’intent be gnir permiss, sch’els nu cuntradeschan ne a las planisaziuns e prescripziuns in vigur ne a las nouvas chi sun previsas (art. 21 al. 2 LPTGR). 
 La prolungiaziun da la zona da planisaziun vela fin a l’entreda in vigur da las nouvas disposiziuns previsas, il pü da tuot però fin als 30 gün 2026. 
La suprastanza s’arsalva il dret da concretiser la zona da planisaziun tuot tenor il stedi actuel da la planisaziun resp. da l’adatter a tel. Quista decretaziun davart la prolungiaziun da la zona da planisaziun po gnir contesteda tar la Regenza dal chantun Grischun infra 30 dis daspö la publicaziun a maun d’ün recuors da planisaziun (art. 101 al. 1 LPTGR). La zona da planisaziun vain publicheda i’l Fögl ufficiel dal chantun Grischun ed illa Engadiner Post/Posta Ladina. 
La suprastanza cumünela da Schlarigna
Schlarigna, ils 5 gün 2025
PDF herunterladen