10.07.2025
In occasiun da sia tschanteda dals 3 avuost 2011 ho la suprastanza cumünela – as basand sül art. 21 da la Ledscha chantunela davart la planisaziun dal territori – decreto üna zona da planisaziun per tuot il territori da fabrica. Que ho’la fat cul böt d’adatter resp. annuller l’art. 8 “Zona da fabrica cun planisaziun dal quartier giuridicamaing valabla” da la ledscha da fabrica da Silvaplauna, resguardand las prescripziuns da la Ledscha chantunela davart la planisaziun dal territori (LPTGR). Specielmaing in connex culla tabella e la conversiun da volumen d’edifizi in surfatscha da plaun brüt (DR nr. 1728). I’l decuors da la revisiun da la ledscha da fabrica nun es quist artichel auncha gnieu elavuro dal tuot. Sün dumanda da la suprastanza cumünela ho il Departamaint d'economia publica e fats sociels dal Grischun perque prolungio la zona da planisaziun già existenta per tuot il territori cumünel fin als3 avuost 2026. 
Illa zona da planisaziun nu po gnir fat ünguotta chi pudess difficulter la nouva planisaziun u cuntrafer a quella. Impustüt paun gnir appruvos be progets da fabrica chi nu staun in cuntradicziun ne cullas planisaziuns e prescripziuns in vigur ne cun quellas previsas. Cunter quista disposiziun po gnir recurrieu tar la Regenza infra 30 dis daspö la publicaziun.
La suprastanza cumünela da Silvaplauna
Silvaplauna, ils 10 lügl 2025 
PDF herunterladen