19.07.2025
1. La suprastanza cumünela da la vschinauncha La Punt Chamues-ch
planisescha d’introdür restricziuns dal trafic seguaintas:

  • Parker cun schaibgia da parker  
    Tevla supplementera: max. 30 minutas, lündeschdi-venderdi traunter las 8:00 e las 18:00
    • Parkegi sper la Chesa cumünela
  • Parker cun schaibgia da parker
    Tevla supplementera: max. 60 minutas, lündeschdi-sonda traunter las 7:30 e las 18:00
    • Parkegi Truochs
  • Parker cun schaibgia da parker sün la zona blova
    • Parkegi Plaz Chamues-ch
    • Parkegi Curtinet
    • Parkegi Magazin Vegl
  • Parker cun schaibgia da parker
    Tevla supplementera: max. 12 uras, minchadi 00:00-24:00
    • Parkegi Prasüras
    • Parkegi Strimer
    • Parkegi Armani
    • Parkegi Surovas
    • Parkegi Staziun 
  • Parker cun schaibgia da parker
    Tevla supplementera: max. 12 uras, minchadi 00:00-24:00, parkegi permanent culla carta da parker dalla vschinauncha
    • Parkegi Chamuera
    • Parkegi Punt Crap

2. Quistas imsüras servan ad üna megldra reglamentaziun dal trafic sül territori cumünel.

3. La restrucziun dal trafic planiseda es gnida appruveda ouravaunt da la pulizia chantunela ils 6 gün 2025 sün basa a l’Art. 7 Paragraf 2 da la LItLTV.

4. Objecziuns e recuors in connex cun quist uorden da trafic stöglian gnir inoltredas a la suprastanza cumünela infra 30 dis zieva sia publicaziun. La vschinauncha examinescha las objecziuns inoltredas e infuorma davart sia decisiun aint il fögl ufficiel dal Chantun cun indicaziun dals mezs leghels al Güdisch chantunel.
SUPRASTANZA CUMÜNELA DA LA PUNT CHAMUES-CH
7522 La Punt Chamues-ch, ils 19 lügl 2025
PDF herunterladen