01.09.2025
La Regiun Malögia spordscha a persunas chi s’interessan per la cultura e la promomziun culturela la pussibilited da collavurer activamaing illa Cumischiun da cultura. Las commembras ed ils commembers da la cumischiun s’ingaschan cun lur experienza, lur ideas e lur interess vi da la cultura e promouvan activamaing progets culturels da la regiun als güdand d’as svilupper.
La Cumischiun da cultura as cumpuonda dad üna fin duos commembras u commembers da la Conferenza da las presidentas e dals presidents u da las suprastanzas cumünelas taunt scu da trais fin quatter persunas independentas specialisedas i’ls differents secturs culturels. Quistas persunas independentas vegnan elettas da la Conferenza da las presidentas e dals presidents per ün temp d’uffizi da quatter ans dals 01-01-2026 fin als 31-12-2026.
Las incumbenzas e las cumpetenzas da la Cumischiun da cultura vegnan numnedas i’l artichel 9 dal Reglamaint d’organisaziun chi’d es disponibel sün la pagina d’internet da la Regiun Malögia www.regio-maloja.ch illa rubrica «Fundamaints / Reglamaints».

Ho Ella u El experienzas in fats culturels ed interess da collavurer illa Cumischiun da cultura? Lura ans allegrains nus sch’Ella u El ans contactescha!
Ella u El ans pudess per plaschair trametter Sia candidatura cun üna cuorta descripziun da Sias experienzas e cumpetenzas culturelas, cun üna charta da motivaziun ed ün curriculum tabellaric fin il pü tard ils 30 settember 2025 a l’adressa (per posta u per e-mail):
Regiun Malögia
Chaschella postela 119
Quadratscha 1
7503 Samedan
E-mail: info@regio-maloja.ch 
Selina Nicolay
Preisdenta da la Cumischiun da cultura
Samedan, 1. settember 2025
PDF herunterladen