EXPOSIZIUN PUBLICA DA COOPERAZIUN TAR LA PLANISAZIUN DIRECTIVA DAL GRISCHUN; REGIUN MALÖGIA

Il Plan directiv chantunal dal Grischun sco er il Plan directiv regiunal da la regiun Malögia vegnan adattads en il sectur Traffic sin via (chapitel 6.2). L'adattaziun dal Plan directiv ha l'intent da fixar ils objects 11.TS.02a „extensiun traject Segl Föglias – Plaun da Lej cun vial da velos“ e l’object 11.TS.02b „extensiun traject Silvaplana – Segl cun colliaziun da velos“.

Ils suandants documents dal plan directiv èn exponids publicamain:

⦁ Extract da la charta chantunala dal Plan directiv e glista d'objects chap. 6.2 Traffic sin via
⦁ Adattaziun dal Plan directiv regiunal Malögia, chap. 6.2 Traffic sin via
⦁ Explicaziuns davart l'adattaziun dal Plan directiv chantunal e regiunal en il sectur Traffic sin via

Cun l'exposiziun publica e cun la consultaziun vegnan garantidas l'infurmaziun e la cooperaziun da la populaziun tenor l'art. 4 da la Lescha federala davart la planisaziun dal territori (LPT) e tenor la legislaziun chantunala davart la planisaziun dal territori (art. 7 OPTGR). Durant l'exposiziun publica pon tut las persunas interessadas far objecziuns e propostas en scrit.

Ils documents èn exponids publicamain (durant 30 dis) dals 20 d‘october fin ils 19 da november 2025.

Lieus d'exposiziun:
Las actas vegnan exponidas publicamain en ils suandants lieus:
⦁ Uffizi per il svilup dal territori, Ringstrasse 10, 7000 Cuira
⦁ Regiun Malögia, Quadratscha 1, 7503 Samedan

Dals documents d'exposiziun pon ins prender invista durant las uras da biro localas / las uras d'avertura dal spurtegl localas.

Ils documents d'exposiziun pon er vegnir consultads sin la pagina d'internet da l'Uffizi per il svilup dal territori (www.are.gr.ch sut Actualitads) sco er da la regiun (www.regio-maloja.ch sut Actualitads).

Propostas ed objecziuns en scrit:
Propostas ed objecziuns en scrit pon la populaziun ed ils circuls interessads inoltrar fin il pli tard ils 19 da november 2025 a l'Uffizi per il svilup dal territori, Ringstrasse 10, 7000 Cuira, ubain a la regiun Malögia, Quadratscha 1, 7503 Samedan