Vschinauncha da S-chanf – Exposiziun da cooperaziun publica planisaziun locala (cun infurmaziun davart l’exposiziun dal rapport ecologic e dumanda da runcher)

Applichand l'art. 13 da l'Ordinaziun chantunela davart la planisaziun dal territori (OPTGR) ho lö l'exposiziun da cooperaziun publica concernent üna revisiun parziela da la planisaziun locala da la vschinauncha da S-chanf. Per l'infurmaziun vegnan a listess temp exponieu il rapport davart la cumpatibilited ecologica e la dumanda da runcheda ch'è necessaria per quist intent.

Affer: Revisiun parziela per l'explotaziun da gera e per la deponia Bos-chetta Plauna (müdeda 2022)

-       Revisiun parziela da la ledscha da fabrica (Art. 32, Zona d'explotaziun da materiel e da            deposit da materiel) 

-       Plan da zonas 1:2000, Explotaziun da gera e deponia Bos-chetta Plauna 

-       Plan da furmaziun generel 1:2000, Explotaziun da gera e deponia Bos-chetta Plauna 

-       Plan d'avertüra generel 1:2000, Explotaziun da gera e deponia Bos-chetta Plauna 

-       Rapport da planisaziun e cooperaziun 

-       Rapport ecologic Müdeda dal proget 2022 scu rapport cumplementer tar il rapport                ecologic 2017 Explotaziun da gera e deponia Bos-chetta Plauna (müdeda 2022) incl.              agiuntas

-      Dumanda da runcher

Temp d’exposiziun: dals16.10.2025 fin als 16.11.2025 (30 dis) 

Lö/urari da l’exposiziun: Chanzlia cumünela da S-chanf düraunt las uras d’avertüra  ufficielas, tel. 081 851 22 90

Propostas ed objecziuns:
Düraunt il temp d'exposiziun po minchün inoltrer in scrit e motivo propostas ed objecziuns a la suprastanza cumünela.

Infurmaziun davart l’exposiziun dal rapport ecologic
L'exposiziun ordinaria dal rapport ecologic cun la pussibilited da piglier pusiziun ho lö pü tard parallelmaing a l'exposiziun da recuors davart la planisaziun locala tenor l'art. 101 al. 1 da la ledscha davart la planisaziun dal territori per il chantun Grischun (LPTGR).

Infurmaziun davart l’exposiziun da la dumanda da runcher:
L'exposiziun ordinaria da la dumanda da runcher tenor l'art. 5 da la ledscha chantunela davart il god (LCG) cun la comunicaziun dal termin da recuors ho lö pü tard parallelmaing a l'exposiziun da recuors davart la planisaziun locala tenor l'art. 101 al. 1 da la ledscha davart la planisaziun dal territori per il chantun Grischun (LPTGR). La publicaziun correspundenta vegn a succeder al listess temp scu la publicaziun da la votaziun cumünela davart la revisiun da la planisaziun locala.

S-chanf, ils 16 october 2025
La suprastanza cumünela