06.11.2025
Applichand l’art. 48 al. 4 da la ledscha chant. davart la planisaziun dal territori (LPTGR) ho lö l’exposiziun da recuors per la revisiun totela da la planisaziun locala da la vschinauncha da Schlarigna chi’d es gnida decisa als 20 october 2025 da la radunanza cumünela da Schlarigna. 

Fatschenda: Revisiun totela da la planisaziun locala da Schlarigna

Actas d’exposiziun:
  •  ledscha da fabrica

Territori da vschinauncha da Schlarigna, staziun VR da Puntraschigna
  • plaun da zonas 1:2’000 
  • plaun generel da furmaziun 1:2’000
  • plaun generel d’avertüra «Trafic» 1:2’000
  • plaun generel d’avertüra «Provedimaint ed alluntanamaint» 1:2’000

Ulteriur territori cumünel
  • plaun da zonas 1:10’000 
  • plaun generel d’avertüra «Trafic» 1:10’000
  • plaun generel d’avertüra «Provedimaint ed alluntanamaint» 1:10’000

Basa:
Rapport da planisaziun e cooperaziun, stedi zieva la radunanza cumünela, cun annexas ed agiuntas separedas:

Annexas
Annexa A: Quantited da terrains da fabrica zieva la revisiun, examinaziun da l’oblig da fabricher per mincha terrain 
Annexa B: Resultats da l’examinaziun preliminera dal chantun (schner 2023)
Annexa C: Evaluaziun e valütaziun da las inoltraziuns in connex culla 1. exposiziun da cooperaziun
Annexa D: Evaluaziun e valütaziun da las inoltraziuns in connex culla 2. exposiziun da cooperaziun
Annexa E: Preschantaziun occurrenza d’orientaziun dals 10 settember 2025
Annexa F: Missiva da la revisiun totela e preschantaziun rad. cum. dals 20 october 2025
Annexa G: Protocol da la radunanza cumünela nr. 3-25 dals 20 october 2025
Agiuntas

  1. Survista dal stedi da la surfabricaziun, avertüra, madüraunza da construcziun e da las reservas: (a) stedi revisiun radunanza cumünela (b) stedi planisaziun in vigur / plaun d’infurmaziun in- e rezonaziuns, mobilisaziun (terrains da fabrica) cun explicaziun da l’instrumaint «Oblig da fabricher» 
  2. Model directiv dal territori cumünel MDTC, rapport 2021
  3. Concept da trafic e da parker, rapport 2017, adatto 09-2025
  4. Inventar da la colonia istorica, rapport 2021 cun plauns da las agiuntas
  5. Cumprouva da la protecziun cunter canera Punt Schlattain, Cresta Palace, Center da skills Provuler
  6. Proget preliminer «Mountainbike-Trail Marguns-Schlarigna», rapports 2021/23 e plaun 
  7. Implaunts d’innaiver / zonas pel sport d’inviern telefericas, plaun da survista 2020
  8. Proget da revitalisaziun da l’En, plauns d’imsüras dal proget d’execuziun 2025
  9. Determinaziun da pros/pasculs megers illa regiun da priorited da Schlarigna, rapport e plauns 2024
  10. Determinaziun dal spazi d’ovas, rapport 2023 e plaun 1:2’000 

Temp d’exposiziun: dals 6 november 2025 als 8 december 2025
Lö d’exposiziun: administraziun cumünela da Schlarigna, düraunt las uras d’avertüra

Müdamaints zieva la 2. exposiziun da cooperaziun dals 16 gün – 15 lügl 2025 (exposiziun nouva) fin a la radunanza cumünela:
 
Ledscha da fabrica
  • Art. 19: Reducziun da la distanza da cunfin zona d’ingrandimaint da la vschinauncha A sün 2.50 m
  • Art. 32: Aboliziun da l’ultima frasa al. 1 (annullaziun da la relaziun quotas d’abiter e da misteraunza)
  • Art. 34: Agiunta seguonda frasa al. 4: […] vegnan permiss e nüzzagios.
  • Art. 36: Zona verda nouv art. 41, zona d’agricultura nouv art. 36
  • Art. 46: Nouv artichel per la zona per deposits transitorics
  • Art. 48: Aboliziun areal da restructuraziun in al. 1 in consequenza da l’annullaziun (art. 51)
  • Art. 51: Aboliziun artichel areal da restructuraziun (nouv areal «Parklandschaft Mitte»)
  • Art. 52: Adattaziun al. 3, aboliziun dal manzun cussagliaziun da restructuraziun
  • Art. 76: Aboliziun al. 4 (disposiziun davart il dret da seguondas abitaziuns)
  • Art. 88: Agiunta al. 6, construcziuns sül tet nu suos-chan esser colliedas culla culmaina
  • Art. 92: Adattaziun al. 2 (prescripziuns per indrizs per telefonia mobila visibels) ed agiunta al. 4 (directivas per l’evaluaziun da la pusiziun d’indrizs per telefonia mobila)
  • Art. 119: Nouva formulaziun disposiziuns transitoricas, nouv vela illa part dal plaun Pradè ed areal da la staziun in tuot ils mezs da planisaziun l’uorden fundamentel e giuridic existent. La revisiun parziela successiva Pradè ho da gnir fatta infra 5 ans (zieva cha’l termin es scado, vela la zona da fabrica existenta scu zona d’abiter e da misteraunza art. 31)

Plaun da zonas 1:2’000
  • Nouv: zona da vschinauncha impè da zona d’ingrandimaint da la vschinauncha A: parcellas nrs. 519, 621 (incl. nouva ordinaziun reglamaint davart l’oblig da fabricher cun parc. 144)
  • Nouv: zona d’ingrandimaint da la vschinauncha A impè da zona d’ingrandimaint da la vschinauncha B, parcellas nrs. 17 (parcella parziela), 61, 212, 301, 302, 306, 562, 604, 653, 654, 655, 656, 657, 658, 659, 660, 661, 662, 688, 690, 803, 820, 902
  • Fixaziun dal reglamaint davart l’oblig da fabricher parcella parziela nr. 63
  • Fixaziun zona per deposits transitorics parcella parziela nr. 43 (incl. nouv art. 46) 
  • Legenda: gro da sensibilted III impè da II, zona per l’ütilisaziun futura da construcziun  

Plaun generel da furmaziun 1:2’000
  • Adattaziuns minimelas areal da tgnair liber süllas parcellas nrs.: 13, 26, 28, 29, 33, 34, 35, 49, 63, 64, 68, 69, 80, 81, 141, 150, 152, 153, 154, 155, 172, 173, 177, 190, 191, 195, 196, 198, 202, 203, 204, 205, 206, 207, 209, 210, 215, 216, 227, 581, 621, 648, 649, 651, 688, 749, 759, 769, 895
  • Aboliziun areal da restructuraziun (tuot l’instrumaint, tuot las fixaziuns)
  • Adattaziun legenda: «Sectur da construcziun fabricat intermedier, zona d’inscunter ütilisaziun d’hotel […]» impè da «Sectur da construcziun fabricat intermedier, zona d’inscunter gastronomia […]» 

Plaun generel d’avertüra PGA 1:2'000 (Trafic, Provedimaint ed alluntanamaint)
  • Aboliziun da tuot las fixaziuns illa part dal plaun Pradè ed areal da la staziun (fixaziuns existentas restan in vigur)
  • Müdamaints via d’avertüra e senda (tuots duos planisos) tar la passarella «Giassa da las Barrieras»
  • Fixaziun dal nouv cuors da la senda, da la via da velos e da la senda d’inviern sül terrain da la parcella nr. 325 (revitalisaziun da l’En)
  • PGA Provedimaint ed alluntanamaint: nouva fixaziun concernent la tualetta publica a Buogl

Recuors da planisaziun:
Persunas chi haun ün egen interess degn da protecziun da contester la planisaziun u chi sun legitimedas da fer que tenor ledscha federela, paun inoltrer a la regenza in scrit lur  recuors da planisaziun cunter la planisaziun locala, e que infra il temp d’exposiziun (30 dis).

Organisaziuns per la protecziun da l’ambiaint:
Organisaziuns per la protecziun da l’ambiaint exerciteschan lur dret da recuors confuorm a l’art. 104 al. 2 LPTGR. Que voul dir ch’ellas annunzchan lur partecipaziun a la procedura infra il temp da recuors tar l’Uffizi chantunel pel svilup dal territori (UST) ed inoltreschan alura eventuelmaing lur pusiziun. 
Schlarigna, ils 6 november 2025
La suprastanza cumünela da Schlarigna
PDF herunterladen