09.12.2025
La suprastanza da Segl ho tenor sia decisiun dals 27-08-2025 l’intenziun d’invier la procedura per l’elavuraziun d’ün plaun da quartier Islas, e que sün basa Da l’art. 51 da la ledscha chantunela davart la planisaziun dal territori (LPTGR) e da l’art. 166 ss. da l’ordinaziun chantunela davart la planisaziun dal territori (OPTGR). Tenor il plaun generel da furmaziun in vigur daspö il 1993 exista pel territori «Islas» ün oblig da fer ün plaun da quartier. 
Böt da planisaziun e perimeter da planisaziun:
Il böt da planisaziun es quel da realiser i’l perimeter da planisaziun da las parcellas pertuchantas nr. 2379, 2389, 2971, 2749, 2482 e 2483 sün basa privata üna surfabricaziun cun prümas abitaziuns per indigens. Impü dess gnir fabricho in quista part da la zona da minz in möd fich qualitativ e concentro.
Exposiziun publica:
Quista decisiun d’intenziun e’l plaun culs cunfins previs dal territori da planisaziun sun exposts ad invista publica per 30 dis a partir da quista publicaziun illa chanzlia cumünela a Segl Maria düraunt las uras d’avertüra dal fnestrigl e sülla homepage da la vschinauncha da Segl  (www.sils-segl.ch).
Mezs leghels:
Düraunt l’exposiziun publica po gnir fat recuors tar la suprastanza cumünela cunter l’intenziun d’invier la procedura e cunter la cunfinaunza dal territori da planisaziun. Per la legitimaziun da recuorrer velan las listessas premissas scu pel recuors da planisaziun a la Regenza (art. 101 OPTGR). Objecziuns cunter la procedura scu tela e’l territori da planisaziun nu paun pü gnir fattas illa procedura successiva.
Segl, ils 9 december 2025
LA SUPRASTANZA CUMÜNELA
DA SEGL
PDF herunterladen