«L’Hom Strom es ün bel hom»
L’Hom Strom es ün’üsanza cun ragischs pajanas chi vain festagiada minch’on in favrer. Sco cha Jachen Puorger, ün dals magisters da la scoula da Scuol ha dit, vaiva quel quist on üna lunghezza dad ot meters e tschinquanta. Il paur Anton à Porta da Scuol cultiva daspö ons ün chomp per far l’Hom Strom.
«L’Hom Strom es ün bel hom, ün hom da nom e pom.» In sonda davomezdi d’eiran magisters e scolars, dals plü pitschens infin pro’ls gronds, fatschendats da plajar las cuas da strom da sejel intuorn la latta (fotografia: Benedict Stecher).
Diskutieren Sie mit
Login, um Kommentar zu schreiben