Il center da vaccinar cunter Covid-19 a Scuol serra sias portas a la fin da schner 2023. Quai ha comunichà il Center da Sandà Engiadina Bassa CESB. Il motiv es cha la dumonda per as laschar vaccinar cunter corona s’ha redütta fermamaing l’ultim temp. Ch’in tuot haja il center a Scuol vaccinà passa 11 400 dosas daspö sia avertüra als 25 da schner 2021. Da l’on 2021 ha il center, sco cha’l CSEB scriva, vaccinà 9634 jadas, «quist on d’eiran quai be plü 1730 dosas – 900 da quellas fingià dürant il schner 2022». 

Las ultimas vaccinaziuns daja a Scuol als 10 ed als 24 da schner per persunas chi s’han annunzchadas. (rtr/fmr)