Il suveran voul ün implant fotovoltaic a Scuol
La populaziun da Scuol ha dit s-chars schi a las duos dumondas a reguard l'implant fotovoltaic da Scuol Solar. Ils resultats sun stats 726 cunter 664 vuschs respectivamiang 719 cunter 663 vuschs. Cun quist resultat pon ils respunsabels dal cumün cuntinuar culs sclerimaints in detagl.
Il suveran da Scuol ha dit schi al proget da Scuol Solar (visualisaziun: Scuol Solar).
ll suveran da Scuol ha acceptà eir la ledscha da taxas per la ledscha da fabrica cun 828 cunter 409 vuschs e la revisiun parziala dal plan d'avertüra a reguard la zona da mansteranza Pozzet a Sent cun 985 cunter 261 vuschs. La partecipaziun a la votumaziun a Scuol es statta pro 42 pertschient.
Diskutieren Sie mit
anmelden, um Kommentar zu schreiben