A l’exercizi d’eiran partecipadas var 90 persunas dals pumpiers da Zernez, dal Salvamaint Engiadina Bassa e Val Müstair, da la Pulizia chantunala dal Grischun, dals pumpiers voluntaris da Livigno e da las Ouvras Electricas d’Engiadina SA (OEE SA). Las organisaziuns invoutas han pudü exercitar il cas serius. L’exercizi vaiva organisà la Sgüranza d’edifizis dal Grischun. Il tunnel es proprietà da las OEE SA. Impustüt dürant l’inviern e güst dürant ils Gös olimpics dal 2026 es il tunnel üna da las pacas vias d’access fin pro la destinaziun turistica Livigno. Dürant ils ultims ons han las OEE SA investi plüs milliuns francs illa sgürezza dal tunnel. Uschea ha la sgürezza, sco cha las OEE scrivan illa comunicaziun als mezs d’infuormaziun, «pudü gnir augmantada fermamaing». (cdm/fmr) 

FMR

La FMR (Fundaziun Medias Rumantschas) furnischa cuntegns medials scrits (per exaimpel texts e graficas) e fotografias per mans da las medias rumantschas. Ella scriva seis artichels in tuot ils tschinch idioms ed in rumantsch grischun. La FMR incumbenzescha eir a persunas rumantschas dastrusch e lontan da scriver columnas sur da quai chi tils occupa illa vita da minchadi.