Fin cha’l crater saro darcho creschieu aint cumplettamaing, nu giaro que uschè lönch scu fin cur cha’l rapport finel in connex cun la cupicha saro avaunt maun. Tenor ün expert d’aviatica düraro que almain duos fin trais ans fin cha’l Post svizzer d’inquisiziun da sgürezza (SUST) ho eruieu ils motivs per la disgrazcha.

Tenor prümas retscherchas d’eira l’eroplan da propeller dal tip Extra EA-400 partieu in lündeschdi, ils 17 marz, intuorn las 17.20 sülla plazza aviatica a Samedan cul böt Roskilde in Danemarc. Però be güsta duos minuts zieva la partenza è’l crudo giò a l’ur da La Punt Chamues-ch i’l territori Alvra. Tuot ils trais passagers – ün pêrin d’advocats dal Danemarc cun lur figl – nun haun survivieu l’accidaint. (fmr/cam)

FMR

La FMR (Fundaziun Medias Rumantschas) furnischa cuntegns medials scrits (per exaimpel texts e graficas) e fotografias per mans da las medias rumantschas. Ella scriva seis artichels in tuot ils tschinch idioms ed in rumantsch grischun. La FMR incumbenzescha eir a persunas rumantschas dastrusch e lontan da scriver columnas sur da quai chi tils occupa illa vita da minchadi.