Minch’on presachaintan la SAB, la gruppa Svizra per las regiuns da la muntogna e la Fundaziun Schweizer Berghilfe ses nominaziuns pel Prix Montagne ch’els surdan cumünaivelmaing.La giuria da set persunas vain presidiada dal Jauer Dario Cologna. ...
Nominaziuns Engiadinaisas pel Prix Montagne
Culla Chamanna Cluozza i’l Parc Naziunal Svizer, la Garde-Manger ad Ardez e Wohlis Kutschbetrieb e Ginas Reitschule sun nominats güsta trais progets muntagnards engiadinais pel Prix Montagne 2025. Fin als 17 avuost as poja vuschar online eir pel premi dal public da la Mobiliar.
Nicole und Artur Naue sun daspö 2022 osps da la Chamanna Cluozza e vöglian manar quella uschè persistent pussibel.
Voul dir, cun dovrar mangiativas regiunalas ed uschè bas consüm d’aua ed energia ed uschè pacs svols da helicopters sco pussibel. fotografias: Alexandra Rozkosny, Schweizer Berghilfe
Ils fradgliuns Lucie e Rémy Bailloux da Garde-Manger ad Ardez cun lur collavuratur Guillaume Jacinto (a schnestra). fotografias: Max Hugelshofer, Schweizer Berghilfe
Werner «Wohli» e Gina Wohlwend mainan daspö 25 ons lur bain da chavagls a Puntraschigna. El es respunsabel pel repart da las charozzas, ella per las uras dad ir a sella e per la scolaziun dals giarsuns.
Tgnair chavals da scossa tenor ils bsögns da las bes-chas es per els evidaint. fotografias: Alexandra Rozkosny, Schweizer Berghilfe
Diskutieren Sie mit
Login, um Kommentar zu schreiben