Cun energia musicala fin a la riva dal mar

Daspö il 2024 ha Mischa Weiss seis «White Production Studio» a Sent. Quia as chattan regularmaing musicistas e musicists giuvens e vegls da tuot l’Engiadina per registrar chanzuns e profitar dal talent e la paschiun per musica e tecnica. Actualmaing lavura Mischa Weiss vi d’ün proget cun «Snook».

15.10.2026 Nicolo Bass 8 min

Mischa Weiss (a dretta) e Gino Clavuot, alias «Snook» lavuran insembel i’l «White Production Studio» a Sent vi da la registraziun da la chanzun davart l’En sco flüm predilet. Il release es previs da prümavaira 2027 (fotografia: Nicolo Bass).

Tuots duos sezzan vi dal computer, il man vi da la mür. Sül cheu ha minchün uragliers, lur corp as movainta i’l ritem da la musica. Tuots duos sun in lur elemaint. La melodia dirigia ils impissamaints ed aint il cheu as fuorman purtrets da ...