13.05.2025
Applichand l’art. 49 da la ledscha chantunela davart la planisaziun dal territori (LPTGR), ho la Regenza dal chantun Grischun appruvo als 29 avrigl 2025 la determinaziun dal spazi d’ovas   – gnida decisa als 25 marz 2022 da la radunanza cumünela da Segl scu revisiun parziela da la planisaziun locala – e que cun las seguaintas duos resalvas:
  1. Il spazi d’ovas cun üna renunzcha unilaterela provisorica sülla part 1 da la Fedacla vain appruveda a cundiziun cha’l spazi d’ovas vegna fixo tar la revisiun totela da la planisaziun locala pendenta. Fin allò vegnan applichedas las disposiziuns transitoricas per la part concernenta. 
  2. Zieva la realisaziun d’ün eventuel proget da revitalisaziun illa planüra alluviela da Segl haun las zonas dal spazi d’ovas da gnir adattedas a las nouvas circunstanzas, e que i’l ram d’üna nouva revisiun parziela da la planisaziun locala. 
Ils mezs da planisaziun appruvos e cotres entros in vigur, chi cumpiglian
  • il plaun da zonas e’l plaun generel da furmaziun 1:2'000, Segl, spazi d’ovas
  • il plaun da zonas 1:2'000, Val Fex: Vaüglia – Crasta, spazi d’ovas
  • il plaun da zonas 1:2'000, Val Fex: La Motta – Chalchais, spazi d’ovas
  • il plaun da zonas 1:5'000, ulteriur territori cumünel vest, spazi d’ovas,

e la cumpletta resoluziun d’appruvaziun da la Regenza (317/2025) sun exposts ad invista illa chanzlia cumünela düraunt las uras da fnestrigl (lü - ve 9.30 -11.30 e lü, mc, ve 14.30 - 17.30) per 30 dis a partir da la data da publicaziun. La resoluziun po eir gnir consulteda sülla homepage "sils-segl.ch".
Segl, ils 13 meg 2025

La suprastanza cumünela
PDF herunterladen