Exposiziun publica davart la separaziun da zonas da protecziun da l’ova da fuonz

Separaziun da las zonas da protecziun per l’implaunt da pumper ova da fuonz Seglias, vschinauncha da La Punt Chamues-ch

Sün basa da l’art. 20 da la Ledscha federela davart la protecziun da las ovas (GschG; SR 814.20) e da l’art. 24 da la Ledscha chantunela davart la protecziun da las ovas (KGschG; BR 815.100) ho la suprastanza cumünela do l’incumbenza d’elavurer la separaziun da las zonas da protecziun per l’implaunt da pumper ova da fuonz Seglias, vschinauncha da La Punt Chamues-ch. 

Las actas sun expostas düraunt 30 dis a partir da la data da publicaziun illa chanzlia cumünela da La Punt Chamues-ch (invista düraunt las uras d’avertüra u tenor cunvegna telefonica, tel. 081 854 13 14). 

 

Chi chi’d es pertucho da la separaziun da las zonas da protecziun u chi chi saro pertucho in avegnir causa il proget da revitalisaziun e dal müdamaint da parcellas consecutiv e chi chi craja d’avair ün interess degn da protecziun cha quista separaziun vegna s-chasseda u modificheda, po fer recuors cunter il plaun da zonas da protecziun ed il reglamaint davart las zonas da protecziun, e que infra 30 dis a partir da la data da publicaziun dad hoz. Recuors sun d’inoltrer in scrit a la suprastanza cumünela. Els stöglian cuntgnair üna motivaziun ed üna proposta.

SUPRASTANZA CUMÜNELA DA LA PUNT CHAMUES-CH
Il president, Peter Tomaschett

Il chanzlist, Urs Niederegger

La Punt Chamues-ch, ils 17 lügl 2025