Disposiziuns executivas pel trafic public – referendum facultativ

La radunanza dals delegios da la corporaziun da vschinaunchas pel trafic public in Engiadin’Ota ho appruvo als 26 avuost 2025 ils müdamaints da las disposiziuns executivas dals statüts da la corporaziun da vschinaunchas pel trafic public in Engiadin’Ota.

Tenor l’art. 53 al. 2 da la ledscha da vschinaunchas dal chantun Grischun haun decrets dal s-chelin legislativ da gnir suottamiss almain al referendum facultativ. Il temp da referendum düra 90 dis a partir dal di da publicaziun da la decisiun. Il referendum vela scu reuschieu, scha 400 votantas e votants da las vschinaunchas da la corporaziun l’haun suottascrit.

Il referendum po eir gnir inizio d’almain trais suprastanzas cumünelas (art. 9 dals statüts da la corporaziun da vschinaunchas pel trafic public in Engiadin’Ota).

Las disposiziuns executivas paun gnir consultedas sün www.engiadinota.ch.

Monzi Schmidt
parsura da la corporaziun da vschinaunchas pel trafic public