18.10.2025
1. La suprastanza cumünela da Schlarigna ho l’intenziun d’introdür las seguaintas restricziuns da trafic sül territori cumünel:
Scumand per veiculs a motor e töfs (sig. 2.13, (2.03, 2.04))
Tevla supplementera: Permiss sun viedis agriculs e forestels, furniziuns Coop e viedis cun permiss cumünel 
  • Schlarigna, Via San Gian, traunter cruscheda Via Bambas-ch e Chesa Sur Punt, coordinatas: 2786322 1154176 e 2786163 1154205 
Scumand per veiculs a motor, töfs e töffins (sig. 2.14, (2.03, 2.04, 2.06))
Tevla supplementera: Permiss sun viedis agriculs e forestels 
  • Schlarigna, Viettas Grevas, traunter las cruschedas Via Bambas-ch e Straglia da Sar Josef, coordinatas: 2786037 1153906 e 2786032 1154140 
Scumand per veiculs a motor, töfs e töffins (sig. 2.14, (2.03, 2.04, 2.06))
Tevla supplementera: Permiss sun viedis agriculs e forestels e viedis cun permiss cumünel 
  • Schlarigna, Via Lavinas e Vietta Plazzöls, a partir da la punt Schlattain in direcziun nord, coordinatas: 2785491 1154569 
Scumand da fermer (sig. 2.49)
Tevla supplementera: Da tuottas duos varts da la via 
La plazza da charger e s-charger davaunt il pro da skis vain integreda i’l scumand 
  • Schlarigna, Vietta Chasauns e Via Chalchera, a partir da la chesa Via Chalchera nr. 3 scu eir a partir da la cruscheda Vietta Chasauns – Vietta Schlattain fin tar la cruscheda Truoch dal Runel, coordinatas: 2785499 1154211, 2785583 1154182, 2785500 1154158 
2.    Quista regulaziun nouva as basescha sül concept da trafic e parker da la vschinauncha da Schlarigna. La regulaziun da trafic nouva serva a la transibilted permanenta da las vias manzunedas. 
3.    La restricziun da trafic planiseda es gnida appruveda ouravaunt (als 29-09-2025) da la Pulizia chantunela, sün basa da l’art. 7 al. 2 LI davart LTV. 
4.    Objecziuns e pusiziuns in connex cull’ordinaziun da trafic planiseda paun gnir inoltredas infra 30 dis a partir da la publicaziun tar la suprastanza cumünela da Schlarigna. Zieva l’examinaziun da las pusiziuns inoltredas decida la vschinauncha e publichescha sia decisiun i’l fögl ufficiel dal Chantun cun ün’indicaziun dals mezs leghels per mauns da la Drettüra superiura chantunela. 
Suprastanza cumünela da Schlarigna
Schlarigna, ils 18 october 2025
PDF herunterladen