Coordinatur/a dal turissem (60 – 100 %)
No tscherchain pel sustegn e per la coordinaziun dal svilup turistic
üna coordinatura / ün coordinatur dal turissem (60 – 100 %)
üna coordinatura / ün coordinatur dal turissem (60 – 100 %)
Incumbenzas
- coordinaziun da las activitats turisticas i’l cumün da Scuol in collavuraziun culla DMO Turissem Engiadina Scuol Samignun Val Müstair (TESSVM), cullas societats e culs portaders illas fracziuns, hotellaria, gastronomia, fittadins d’abitaziuns da vacanzas ed ulteriurs acturs.
- direcziun e sustegn pro progets da svilups turistics (p. ex. nouvas sportas d’aventüra, soluziuns per mobilità, iniziativas da qualità).
- intersecziun tanter il cumün, las organisaziuns turisticas localas e la populaziun pro giavüschs turistics.
- cooperaziun pro activitats da comunicaziun e da marketing impustüt sül s-chalin cumünal (p. ex. evenimaints, evenimaints d’infuormaziun, medias stampadas ed online).
No spettain
- scolaziun absolta i'l sectur da turissem, svilup regiunal, comunicaziun o congualabel
- cugnuschentschas da las structuras turisticas e sfidas i’l territori alpin
- plaschair dal contact persunal cun partenaris
- abiltats da comunichar e da colliar
- ün möd da lavurar independent, structurà ed ün pensar d’interpraisa
- esser versà cun instrumaints digitals (MS Office, CMS, ev. SIG o programs da proget)
- fich bunas cugnuschentschas da la lingua tudais-cha a bocca ed in scrit. Bunas cugnuschentschas da la lingua rumantscha (Vallader) o la prontezza da tilla imprender sun d’avantag
No spordschain
- üna lavur da gronda respunsabiltà e variada cun ün grond spazi da fuormaziun
- la pussibiltà da güdar e da sviluppar activmaing al cumün turistic da Scuol
- cundiziuns d’ingaschamaint attractivas tenor las directivas dal cumün
Entrada in plazza
als 1. december 2025 o tenor cunvegna
Infuormaziuns
Annunzcha
No’ns allegrain da surgnir Si’annunzcha culla solita documainta fin il plü tard als
9 settember 2025.
Adressa: Administraziun cumünala, per mans da la direcziun, Bagnera 170, 7550 Scuol o per e-mail: actuariat@scuol.net
No’ns allegrain da surgnir Si’annunzcha culla solita documainta fin il plü tard als
9 settember 2025.
Adressa: Administraziun cumünala, per mans da la direcziun, Bagnera 170, 7550 Scuol o per e-mail: actuariat@scuol.net
Cumün da Scuol
081 861 27 00
actuariat@scuol.net