In sonda saira han visità 350 Americanas ed Americans il concert i’l Clock Tower a Benicia ed in dumengia 850 visitaduras e visitaduors il concert i’l Herbst Theatre a San Francisco. Tuot ils spectatuors han giodü la preschantaziun da l’ultima sinfonia cumpletta da Beethoven ed ouravant la «Rhapsody in Blue» da George Gershwin culla solista engiadinaisa Cinzia Regensburger al piano. Eir las chanzuns rumantschas da la delegaziun da chantaduras e chantaduors chi sun viagiats in America per as partecipar als duos concerts, han persvas il public. Prosm’eivna riva lura il cor e l’orchester american cun var 120 persunas in Engiadina Bassa per exercitar cul cor indigen. Ils concerts principals culla Nouvavla Sinfonia da Beethoven e culla «Rhapsody in Blue» cun Cinzia Regensburger han lö dals 13 fin als 16 gün illa halla Gurlaina a Scuol. Ouravant han lö differents concertins in tuot las fracziuns. Daplü infuormaziuns sün scuol-classics.ch. 

Text: Nicolo Bass