Susch

Üna vita plain paschiun per cifras e chatscha

Fritz Felix da Susch es stat magister e president cumünal in seis lö da naschentscha. Lönch es el stat actuar e secretari dal Circul Sur Tasna ed ils ultims passa 20 ons administratur e chaschier da la Corporaziun dals Cumüns Concessiunaris, hoz CEE. Uossa es ura da tour plü quiet.

16.05.2025 Jon Duschletta 8 min

Fritz Felix sföglia i’l cudesch sur dals cumüns concessiunaris, ch’el ha scrit ed edi dal 2024 sün basa da material d’archiv. fotografias: Jon Duschletta

Fritz Felix sur dal fondo dals tschinch pertschient dals fits d’aua dals cumüns concessiunaris: «Quist fondo es ün privileg. Co oter as lessa finanziar illa regiun la lavur per giuvenils, sport, cultura ed oter plü?»

Fritz Felix nu lascha dubis e disch riond: «Eu nu sun mai stat il tip per ir a bunura in ün büro ingio cha qualchün am vess dit, che chi saja da far.» Cha fingià bod, fingià da giuven, leiva’l esser independent e guadagnar svessa seis raps, ...