Illa comunicaziun da la clostra Son Jon a Müstair als mezs d’infuormaziun esa scrit cha Sour Lutgarde Honegger deriva da Hinwil e Turich. La priura Lutgarde ha fat avant 19 ons seis profess illa clostra da Müstair. Ella es activa illa cumünanza in differents reguards ed eir illa plaiv. La Fundaziun Pro Clostra Son Jon gratulescha a la priura Lutgarde e tilla giavüscha blera forza ed energia pel nouv uffizi e s’allegra per üna buna collavuraziun. A la priura emeritada Aloisia s’ingrazcha la fundaziun per tuot sia lavur e la collavuraziun constructiva ed agreabla dürant ils ultims set ons. (cdm/fmr)

FMR

La FMR (Fundaziun Medias Rumantschas) furnischa cuntegns medials scrits (per exaimpel texts e graficas) e fotografias per mans da las medias rumantschas. Ella scriva seis artichels in tuot ils tschinch idioms ed in rumantsch grischun. La FMR incumbenzescha eir a persunas rumantschas dastrusch e lontan da scriver columnas sur da quai chi tils occupa illa vita da minchadi.