HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

Claudio à Porta e Walter Bernegger a Scuol davant ils büros ed ufficinas da la Energia Engiadina (fotografia: Flurin Andry).

Claudio à Porta e Walter Bernegger a Scuol davant ils büros ed ufficinas da la Energia Engiadina (fotografia: Flurin Andry).

Claudio à Porta dvainta directer da l'EE

Walter Bernegger, il directer actual da l’Energia Engiadina (EE) cun sez a Scuol, va a la fin d’avrigl 2021 in pensiun. Uossa esa gnü cuntschaint a chi ch’el surdà la direcziun da l’EE: Ils respunsabels han chattà cun Claudio à Porta da Scuol güst eir amo ad ün indigen.
 

La firma Energia Engiadina (EE) posseda las raits electricas dals anteriurs cumüns da Zernez fin Tschlin. Siond cha seis directer Walter Bernegger vaiva comunichà fingià bod ch’el giaja in pensiun quist on chi vain, s’han ils respunsabels da l’EE perquai miss a temp in tschercha d’ün successur. Els han chattà cun Claudio à Porta güst eir amo ad ün indigen.

Cumanzà sia carriera a Scuol
Claudio à Porta (annada 1987) es creschü sü a Scuol ed ha imprais electromonteur. Ils prüms desch ons ha’l lavurà a Scuol. El s’ha scolà inavant. Il prüm ha’l fat la scolaziun da cusgliader pella sgürezza e davo eir amo il diplom da maister. Lura ha’l bandunà l’Engiadina Bassa per lavurar a Brugg in Argovia pro’l büro d’indschegners r+b engineering ag. Quella firma chi ha ses filialas realisescha gronds progets impustüt per l’industria, ospidals e pel man public. Avant duos ons es Claudio à Porta dvantà il manader da la filiala a Brugg. Cur ch’el ha vis chi vain tscherchà inchün chi maina l’EE a Scuol s’ha’l annunzchà. «Id es da tour l’occasiun cur ch’ella as dà», ha’l dit cur cha sia tscherna es gnüda comunichada al persunal da l’Energia Engiadina.

«Firma procura per dubla sgürezza»
Walter Bernegger ha manzunà ils avantags da quista tscherna: «Claudio sa la lingua da qua e cugnuoscha la regiun.» In quists tschinch ons cha Bernegger ha manà l’EE ha la firma gnü, sco ch’el ha dit, la schanza unica d’installar ün’aigna rait suotterrana da Scuol fin Martina. «Uschè han ils cumüns dubla sgürezza da survgnir l’energia bsögnada», declera il directer da l’EE, «saja quai da la rait da las Ouvras Electricas Engiadinaisas SA o apunta da nossa rait.» Bernegger surdà sia plazza a Claudio à Porta als prüms mai 2021.

Autur: fmr/fa


Noch keine Kommentare

1000/1000
  • SUCHE JAHRESSTELLE
  • Nachtarbeiten  RhB
  • HAUSWIRTSCHAFTERIN
  • Nachtarbeiten RhB
  • GOLDANKAUF
  • 8 BETTEN IN ARVENHOLZ
  • Die Hausarztpraxis von Frau Dr. med.Anke Kriemler wird per 1. November 2020 in die PolyClinic St. Mo
  •  JETZT MIT HAMMERPRÄMIEN!