HomePolitikWirtschaftTourismusBildung/SozialesKulturSportBlaulichtGesundheitNatur/Umwelt

Il bügl da Chaposch a Tarasp as preschainta cun nouv travestimaint in lain (fotografia: Benedict Stecher).

Il bügl da Chaposch a Tarasp as preschainta cun nouv travestimaint in lain (fotografia: Benedict Stecher).

Il bügl da Chaposch es gnü refat

Ils bügls servivan plü bod per ir per aua, per bavrar la muaglia e per far l’altschiva. Il bügl da Chaposch a Tarasp es eir hoz amo da grond’importanza causa ch’el as rechatta sper la via chi maina dad Ardez a Tarasp e vain dovrà da viandants e da velocipedists.

Tarasp consista da desch fracziuns ed in minchüna da quellas as rechattan ün fin duos bügls. Plü bod gnivan quels mantgnüts d’üna corporaziun da bügls dals vaschins da las fracziuns e pro refacziuns stuvaiva mincha famiglia as partecipar vi dals cuosts. Hoz vegnan quels mantgnüts dal cumün causa chi nun han plü l’importanza d’üna jada. A Tarasp as chatta amo divers bügls cun daplü da 100 ons chi han trais trapartidas. La prüma davo il chüern serviva per tour aua, causa cha bleras chasas nu disponivan dad aua currainta. La seguonda trapartida es la plü gronda e d’eira pensada per bavrar la muaglia e la terza darcheu plü pitschna per far l’altschiva. Il pulir dals bügls gniva procurà dals pertocs in rouda. Hoz vegnan ils bügls mantgnüts impustüt causa chi toccan pro’l purtret d’üna fracziun.
Da stà, illa stagiun ota, fan blers viandants la gita dad Ardez a Tarasp e passan Chaposch eir per rivar in Val Plavna. Giasts ed indigens impustüt da Scuol van cul tren ad Ardez e chaminan da là sur la punt penduossa e passan las fracziuns dad Aschera, Vallatscha e Chaposch per rivar a Fontana e lura cun l’auto da posta inavo a Scuol. Oters fan la gita viceversa e divers passan Chaposch per rivar avant Aschera sülla via chi maina in Val Plavna. Il bügl da Chaposch es tanteraint e velocipedists sco eir viandants ferman per tour ün süerv d’aua ed implir lur butiglias. Pro temperaturas chodas eir per as rinfras-char. Il bügl a Chaposch d’eira i’ls ultims ons in ün nosch stadi e d’incuort es gnü refat il travestimaint da lain vi dal minz dal bügl chi consista d’üna construcziun da beton. Ils abitants da Chaposch han grond gust da lur bügl refat ed ils raduond 5000 viandants e velocipedists chi passan d’instà tras la fracziun as pon recrear vi d’ün bügl chi fa uossa bella parada.

Autur: fmr/bcs


Noch keine Kommentare

1000/1000
  • CINEMA REX
  • BAG
  • Zur Ergänzung des Teams sucht die Gemeindeschule St. Moritz infolge Pensio-
  • FORUM PARACELSUS VOM 2. BIS 22. NOVEMBER
  • Bares für Rares
  • CH – 7514 Sils im Engadin
  • SCHWEIZER DIGITALTAGE
  • Rutz
  • 3-GANG
  • GESUCHT
  • Volgrezept
  • Pontresina Wochentipp
  • Seit Jahren agieren wir als erfolgreiches Elektro-
  • Ab 1. Dezember 2020 ganzjährig